ԵՐԵՎԱՆ, 18 սեպտեմբերի — Sputnik. Սեպտեմբերի 17-ին Սանկտ Պետերբուրգում անկացրած ընտրությունների կարճաժամկետ մոնիտորինգի ընթացքում տեղի ունեցան հանդիպումներ խմբի անդամների և համապատասխան տարածաշրջանային ընտրական հանձնաժողովների ղեկավարության միջև:
Այդ հանդիպումների ընթացքում միջազգային դիտորդների խմբի համակարգող Էդուարդ Շարմազանովն ընդգծեց, որ ժամանակակից պայմաններում ընտրական գործընթացները էական դեր են խաղում ազգային և հավաքական անվտանգության ապահովման գործում, ինչը գիտականորեն ապացուցված փաստ է:
Նա ասաց, որ այդ իսկ պատճառով ՀԱՊԿ խորհրդարանականներն իրենց գործունեությամբ ավելի շատ են ուշադրություն դարձնում ընտրական ասպեկտներին:
Ինչպես հայտնեցին Sputnik Արմենիային ՀԱՊԿ ԽՎ փորձագիտական-վերլուծական վարչությունից, ՌԴ Դաշնային Ժողովի Պետդումայի հրավերի համաձայն, ԱՊՀ դիտորդների առաքելության կազմում ձևավորվել է ՀԱՊԿ ԽՎ-ի միջագային դիտորդների խումբ ՌԴ Դաշնային Ժողովի Պետդումայի VII գումարման պատգամավորական ընտրությունների անցկացման և նախապատրաստման կարճատև ընթացքի մոնիտորինգն իրականացնելու համար:
Միջազգային խմբի կազմում ընդգրկված են ՀԱՊԿ չորս անդամ-պետությունների (Հայաստան, Բելառուս, Ղազախստան, Ղրղըզստան), ինչպես նաև ՀԱՊԿ ԽՎ քարտուղարության բարձրագույն օրենսդիր մարմինները ներկայացնող դիտորդներ:
Հաէորդագրության մեջ ասված է, որ այս տարվա աշնանն իր 10-ամյակը նշող ՀԱՊԿ ԽՎ պատգամավորների կողմից դիտորդական գործունեության շրջանակներում իրականացվել է նաև Ղազախստանի նախագահական, Ղրղըզստանի Հանրապետության Ժոգորկու Քենեշայի և 2015-2016 թվականներին անկացրած Ղազախստանի Հանրապետության Խորհրդարանի Մաժիլիսի պատգամավորների ընտրությունների մոնիտորինգները:
Այսօր` քվեարկության օրը, ՀԱՊԿ ԽՎ միջազգային դիտորդները ներկա էին ընտատեղամասերի բացմանը, ներկա պահին նրանք մոնիտորինգ են իրականացնում Սանկտ Պետերբուրգի, ինչպես նաև Լենինգրադի շրջանի ընտրատեղամասերում:
