ԵՐԵՎԱՆ, 18 սեպտեմբերի — Sputnik, Արմենուհի Մխոյան. Հյուպատոսից մինչև հոգևոր առաջնորդ, ծառայող ու շինարար Գյումրու հյուպատոսարանի տարածքում և 102-րդ ռազմաբազայիում տեղակայված ընտրատեղամասերում կատարում էին իրենց ընտրական պարտքը՝ կարևորելով ընտրությունները:
«Որպես ՌԴ քաղաքացի, կատարել եմ պարտքս: Ընդհանրապես, բոլորը պետք է ընտրություններին մասնակցեն, դա բոլորի պարտքն է, որ հետո չասեն՝ ես չեմ մասնակել ու ինձ ոչինչ չի գոհացնում: Որոշումդ կայացրու, ընտրիր ու կիսիր այն պատասխանատվությունը, որ պետք է հետո տանեն պատգամավորները: Ընտրի՛ր, որ հետո իրավունք ունենաս պահանջելու»,-Sputnik Armenia-ի հետ ունեցած զրույցի ժամանակ նշեց Սուրբ Ալեքսանդրիա եկեղեցու հոգևոր հովիվ հայր Անդրեյ Վացը, որն առաջին անգամ չէ, որ ընտրությունների մասնակցում է ՌԴ-ի սահմաններից դուրս. արդեն 8 տարի հոգևոր հայրը Հայաստանում է հոգևոր ծառայություն իրականացնում, այդ ընթացքում ընտրություններին մասնակցելով Հայաստանի տարածքում:
«Հանուն փոփոխությունների, հանուն Ռուսաստանի ու նաև Հայաստանի շահերի ենք եկել ու ընտրել: Շատ հայեր են բնակվում ու աշխատում ՌԴ, և այս ընտրությունը շատ կարևոր է նաև նրանց համար»,-նշեցին գյումրեցիները:
Ռուսաստանի Դաշնության չափահաս քաղաքացիները, որոնք մշտապես բնակվում են Հայաստանի տարածքում, ինչպես նաև ռուսաստանցի զբոսաշրջիկները սեպտեմբերի 18-ին մասնակցում են ՌԴ Պետդումայի ընտրություններին նաև Գյումրիում տեղակայված ՌԴ հյուպատոսարանի տարածքում գործող թիվ 8031 ընտրատեղամասում՝ ներկայացնելով գործող օտարերկրյա անձնագիրը։ Եւս 3 տեղամաս Շիրակի մազի տարածքում գործում է 102-րդ ռազմաբազայի տարածքում:
