ԵՐԵՎԱՆ, 18 սեպտեմբերի — Sputnik. Արգենտինական հրատարակության հրապարակած հոդվածն առիթ է հանդիսացել պարզելու, թե ի՞նչ գումարի մասին է խոսքը և կոնկրետ ինչի վրա է այն ծախսվել: Sputnik Արմենիայի խնդրանքով Երևանի քաղաքապետարանը մեկնաբանել է գործարքի մանրամասները։
Քաղաքահետարանը ներկայացրել է, որ կառավարության 2016 թվականի օգոստոսի 25-ի N 873-Ն որոշմամբ պետական բյուջեի հաշվեկշռման և ծրագրային կարգավորման համատեքստում 2,659,914 հազար դրամով նվազեցվել են Հայաստանի 2016 թվականի պետական բյուջեով Երևան համայնքին նախատեսված սուբվենցիաների գծով թվով 4 ծրագրերի՝ ասֆալտ-բետոնյա ծածկի վերանորոգում և պահպանման 1,623 հազար դրամ, վերգետնյա էլեկտրատրանսպորտով ուղևորափոխադրման 199,000 հազար դրամ, արտաքին լուսավորության ցանցի շահագործման և պահպանման աշխատանքների ծառայության 690,661.4 հազար դրամ և թատերական ներկայացումների 147,252.6 հազար դրամ հատկացումները։
«Տեղեկացնում ենք նաև, որ նույն որոշմամբ առաջարկվել է Երևանի քաղաքապետին՝ «Բյուջետային համակարգի մասին» ՀՀ օրենքի 282 հոդվածի 1-ին մասի 2-րդ կետին համապատասխան Երևան քաղաքի կառավարական N2 մասնաշենքի օտարումից Երևան համայնքին վճարման ենթակա համարժեք գումարը վերաբաշխման միջոցով ուղղել վերոնշյալ ծրագրերով նվազեցված հատկացումների ֆինանսավորմանը: Այսինքն, Երևան քաղաքի 2016 թվականի բյուջեում ներառված վերոթվարկյալ ծրագրերը՝ ներառյալ ասֆալտ-բետոնյա ծածկի վերանորոգում և պահպանում ծրագիրը, գումարային առումով ըստ էության որևէ փոփոխության չեն ենթարկվել և իրականացվում են տարվա համար սահմանված չափաքանակի շրջանակում»,- ասվում է Երևանի քաղաքապետարանի պատասխան նամակում:
Կառավարության №2 շենքը «Տանգո» ընկերությանը վաճառելու մասին որոշումն ընդունվել է դեռևս 2014թ-ի հոկտեմբերի 4-ին: Գործարքի արժեքը պետք է կազմեր 51,271 մլն դոլար: Ավելի ուշ հայտնի է դարձել, որ ԱԳՆ-ի տեղում կհայտնվի Kempinski խմբի հինգաստղանի հյուրանոցը:
Հաշվի առնելով, որ հայ հասարակությունը հատուկ հետաքրքրություն է հանդես բերել այդ գործարքի հանդեպ, որոշում է ընդունվել մրցույթ անցկացնել՝ թափանցիկություն ապահովելու նպատակով: Նույն տարվա մարտի 5-ին շենքի վաճառքի աճուրդը չի կայացել՝ գնորդ չի գտնվել: Ավելի ուշ երկրի իշխանությունները որոշել են պայմանագիր կնքել «Տանգո» ՓԲԸ-ի հետ:
Այդպիսով, 2013թ-ին ԱԳՆ շենքը վաճառվել է այդ ընկերությանը 51,270,840 դոլարով: Շենքի ընդհանուր տարածքը կազմում է 14,2 հազար քմ:
Գործարքը կատարվել է 2013թ-ի արժույթի փոխարժեքով:
Եվ այսպես, Հայաստանի կառավարությունը միայն 2016թ-ի օգոստոսին է որոշում ընդունել այն մասին, որպեսզի Էռնեկյանի հետ գործարքի գումարի 10 տոկոսն ուղղորդի Երևանի փողոցների վերանորոգման և վերականգնողական աշխատանքներին:
Հնարավոր է, ևս մի քանի տարի հետո մենք կիմանանք այն մասին, թե ինչի վրա կծախսվի ֆինանսների 90 տոկոսը, որոնք ստացվել են կնքված գործարքի արդյունքում:
Հուսանք, որ այս անգամ Հայաստանի կառավարության հատկացրած միջոցները կծախսվեն ըստ նշանակության, չէ՞ որ նորացված ճանապարհները և քաղաքի պատշաճ տեսքը ոչ միայն հարգի է իշխանությունների, այլ նաև հենց Հայաստանի համար:
Հայաստանի ազգային հերոս, ամերիկյան միլիարդատեր Քըրք Քըրքորյանը ժամանակին հսկայական գումարներ է ծախսել Հայաստանի ճանապարհների շինարարության վրա:
Քըրքորյանի «Լինսի» հիմնադրամը Հայաստանում 22 տարվա գործունեության ընթացքում հատկացրել է շուրջ 1 մլրդ դոլար: Սակայն, ինչպես հայտնի է դարձել ավելի ուշ, անձամբ գործարարը բարկացել է և դադարեցրել ֆինանսավորումը՝ իմանալով այն մասին, որ Հայաստանի իշխանության որոշ ներկայացուցիչներ յուրացրել են վերջին հատկացրած 200 մլն դոլարի զգալի մասը:
