Հայաստանի նախագահ Սերժ Սարգսյանը ժամանել է Ղրղզըստան։ «Մանաս» միջազգային օդանավակայանում նրան դիմավորել է Ղրղըզստանի նախագահ Սոորոնբայ Ժեենբեկովը։ Այս մասին հայտնում է Sputnik Կիրգիզստանը։
Սերժ Սարգսյանին ողջունելուց հետո նրան կարմիր վարդեր են հանձնել։ Նախագահը վայելել է ծաղիկների բույրն ու ծաղկեփունջը փոխանցել իր օգնականներին, հետո համտեսել է ազգային տարազով աղջկա մատուցած բոորսոկը։
Նախագահ Սերժ Սարգսյանն այսօր աշխատանքային այցով մեկնել է Ղրղըզստան՝ մասնակցելու ԱՊՀ պետությունների ղեկավարների խորհրդի նիստին:
