Ամեն ինչ սկսվեց նրանից, որ ինձ հանձնարարեցին գրել Գեղեցկության միջազգային օրվա մասին… Ես խնդրեցի մեր լուսանկարչին տարբեր տարիքների և սեռերի գեղեցիկ մարդկանց լուսանկարներ անել, ինչին նա յուրովի արձագանքեց։
«Ի՞նչ է քեզ համար գեղեցկությունը»,- հարցրեց նա։ Եվ մինչ ես փորձում էի պատկերացնել գեղեցիկ մարդու, որպեսզի պատասխանեմ նրան, գործընկերս հավելեց, որ յուրաքանչյուրն ունի գեղեցկության վերաբերյալ իր պատկերացումը։ Դա իսկապես այդպես է։
Յուրաքանչյուր երկրում գոյություն ունի գեղեցկության սեփական իդեալը։
«Օրինակ, ինձ համար գեղեցիկ են բոլոր հղի կանայք, նույնիսկ եթե նրանց դեմքն այնքան էլ գեղեցիկ չէ»,- ասաց նա։ Դե, այս պնդման հետ դժվար է չհամաձայնելը։
Այդպես մենք հանգեցինք այն մտքին, որ բոլոր մարդիկ հիանալի են, իսկ լուսանկարել առանձին մարդկանց, նշելով, որ նրանք գեղեցիկ են, նշանակում է վիրավորել մյուսների զգացմունքները։
Գեղեցիկ կանայք ու տղամարդիկ կարող են ամեն ինչ
Քննարկելով տոնը, կարելի է ասել, որ մեր երկրում ընդունված է նշել Մայրության ու գեղեցկության օրն ապրիլի 7-ին։ Իսկ ահա սեպտեմբերի 9-ը հազվադեպ են նշում։ Եկեք համեմատենք հայերին, օրինակ, եվրոպացիների հետ։
Հայերը գեղեցիկ են բոլոր առումներով։ Ամեն առավոտ գրեթե բոլոր հայերն իրենց կարգի են բերում, դիմահարդարվում, խնամում մազերը և մանրամասն ընտրում հագուստը, հետո մեկնում են ուսման կամ աշխատանքի։
Գլխավորը, չմոռանալ օծանելիքի և կոշիկների մաքրության մասին։ Դա նույնպես «անդրադառնում» է դեմքի գեղեցկության վրա։ Թեև, հայերի շարքում էլ են լինում անփույթ հագնված մարդիկ։
Ավելորդ չի լինի հիշեցնել, որ հանգստյան օրերին գեղեցկության սրահներում հերթեր են գոյանում։ Այդ հարցում մեր մոլեռանդությունը մի քիչ վախեցնում է։
Եվրոպացիներն իրենց հիմնականում հետևում են տոներին, կանայք հազվադեպ են դիմահարդարվում, զարդեր կրում, բարձրակրունկ կոշիկներ հագնում։ Դա բացատրվում է նրանով, որ սալաքարերը շատ են։
Հայերը տաքարյուն ժողովուրդ են։ Նա, ով այդքան էլ գեղեցիկ արտաքին չունի, կարծում է, որ նեքուստ է գեղեցիկ, իսկ ահա տգեղ եվրոպացին ընդհանրապես չի մտածում իր արտաքինի մասին։
Գլխավորը, որպեսզի կյանքը՝ թեթև, իսկ աշխատավարձը՝ բարձր լինի։ Բայց երիտասարդությունը հիմա ավելի պատասխանատու է վերաբերվում իր արտաքինին` հատկապես հաշվի առնելով այն, որ սոցիալական ցանցերում և Instagram-ում գեղեցկության ու առողջության քարոզչություն է ընթանում։
Ինչպիսի՞ն է նա` մեր օրերի ԱՖրոդիտեն
Եթե հույների մոտ մինչև հիմա գեղեցկության չափանիշը համարվում է Աֆրոդիտե աստվածուհին, ապա հիմա տարբեր երկրներում գեղեցկության մասին պատկերացումները մի քիչ փոխվել են։
Ինչ-որ մեկին դուր են գալիս համեստ տղամարդիկ և կանայք, ոմանց` հակառակը։ Կան մարդիկ, որոնք հաճախ են այցելում պլաստիկ վիրաբույժին։
Ի դեպ, օրերս Հայաստանում էր անվանի ռուս դերասան Ալեքսանդր Միխայլովը, որն ասաց. «Ձեր ժողովուրդը գեղեցիկ է։ Իսկ ինչու՞ է գեղեցիկ, որովհետև բազմաչարչար է։ Որքան շատ է նա տառապում, այնքան շատ են նրա դեմքին երևում զգացմունքները»։
Նա ճիշտ է։ Դա վերաբերում է ոչ միայն հայերին։ Հավանաբար, ավելորդ չի լինի հիշեցնելը, որ ամենագլխավորը ներքին գեղեցկությունն է, որը գրավում է այլ մարդկանց։
Գեղեցկության միջազգային օրը ողջ աշխարհում նշվում է ՍԻԴԵՍԿՈ էսթետիկայի և կոսմետոլոգիայի միջազգային հանձնաժողովի նախաձեռնությամբ 1995թ-ի սեպտեմբերի 9-ից։
Այդ օրը ողջունելի է այն ամենը, ինչ էսթետիկ ու բարոյական հաճույք է պատճառում։ Շատ քաղաքներում ու երկրներում հենց այդ օրը համատեղ անցկացվում են վարսավիրների, ոճաբանների և մոդելավորողների մրցույթներ և իհարկե, գեղեցկության մրցույթներ։
