ԵՐԵՎԱՆ, 4 սեպտեմբերի-Sputnik. Թուրքիան հանդես է եկել կտրուկ հայտարարություններով և ոչ պակաս կտրուկ քաղաքական գործողություններով:
Մասնավորապես, Թուրքիան Գերմանիայից ետ է կանչել իր դեսպանին, իսկ հետո արգելել է գերմանացի պատգամավորներին այցելել թուրքական Ինջիրլիկ ավիաբազայում գտնվող բունդեսվերի զինվորներին:
Այդուամենայնիվ, Spiegel ամսագիրը հայտնել է, որ Թուրքիան ցանկանում է կարգավորել հարաբերությունները Գերմանիայի հետ:
Հոկտեմբերի 4-ին գերմանացի պատգամավորները կարող են այցելել Թուրքիայի հարավում գտնվող Ինջիրլիկ ավիաբազա։
«Բոլոր նախապայմանները կան այդ այցը կայացնելու համար: Ես հույս ունեմ, որ հաջորդ շաբաթ կստացվի թուրքական կառավարության համաձայնությունը»,- հայտարարել է Ազատ դեմոկրատական կուսակցության ներկայացուցիչ Ռայներ Առնոլդը:
Նա նաև նշել է, որ գերմանացի պատգամավորներն արդեն Թուրքիա այցելություն կատարելու ծրագիր են նախապատրաստել:
