ԵՐԵՎԱՆ, 3 սեպտեմբերի — Sputnik. Երևանի «Արմենիա» բժշկական կենտրոնում սեպտեմբերի 3¬ին` ժամը 11:00-¬ի սահմաններում, 26-¬ամյա Մարիամ Թունյանը բնական ճանապարհով լույս աշխարհ է բերել քառյակ: Երեխաներից երկուսը տղա է, երկուսը` աղջիկ:
«Կնոջս և երեխաների առողջական վիճակը նորմալ է: Իհարկե, գիտեինք, որ քառյակ ենք ունենալու և անչափ երջանիկ ենք այդ փաստից: Երեխաների անունները դեռ չենք որոշել, կնոջս հետ շուտով այդ հարցը կքննարկենք»,¬ «Արմենպրեսի» հետ զրույցում ասել է երեխաների հայրը` Եղիշե Թունյանը:
Երեխաների ծնողները բնակվում են Գորիսում և ունեն 3 տարեկան դուստր: Եղիշեի խոսքով` դուստրը ևս անչափ երջանիկ է միանգամից երկու եղբայր և երկու քույր ունենալու առթիվ և անհամբեր սպասում է, թե երբ են մայրը, քույրերն ու եղբայրները տուն ժամանելու: Բնական ճանապարհով` ոչ արհեստական բեղմնավորմամբ, քառյակ լույս աշխարհ բերելը բացառիկ երևույթ է համարվում:
Իսկ նախօրեին Շիրակի մարզի Շիրակավան գյուղի բնակչուհի 28-ամյա Շուշանիկ Ասատրյանը եռյակ է ունեցել` երեք տղա։ Այս երեխաները նույնպես լույս աշխարհ են եկել բնական ճանապարհով` առանց արհեստական բեղմնավորման։
