ԵՐԵՎԱՆ, 28 օգոստոսի — Sputnik. Ռուսաստանի քաղաքացի Սերգեյ Միրոնովը դժվար թե զբաղվեր արբալետների վաճառքով, գրում է Sputnik Բելառուսը` հղում անելով քաջատեղյակ աղբյուրին:
Ռուսաստանի ԶԼՄ-ների տվյալով` ձերբակալված Միրոնովն աշխատում է բելառուսական «Գենեզիս» ընկերության մոսկովյան ներկայացուցչությունում: Ընկերությունը զբաղվում է արբալետների և որսորդական հրացանների առցանց վաճառքով:
Արբալետների առցանց վաճառքով զբաղվող շուկայի փորձագետները Sputnik-ին պարզաբանել են, որ «միայն մի քանի ընկերություն կա, որոնք զբաղվում են արտոնագրված արբալետների վաճառքով»:
«Եվ դրանց շարքում նման անվանումով ընկերություն չկա: Հավանաբար ինչ-որ մեկն աշխատում է ոչ բելառուսական շուկայի ուղղությամբ», — ասել է Sputnik-ի զրուցակիցը:
Նրա խոսքով` Բելառուսում արբալետի առցանց վաճառքի առաջին արտոնագիրը տրվել է շուրջ երեք տարի առաջ: Փորձագետը նաև պատմել է, որ հանրապետությունում այժմ միայն սիրողական արբալետներ են վաճառվում:
«Արբալետները, որոնք արժեն 3 և ավելի հազար դոլար, երկրում մի քանիսն են, այն էլ միայն հարուստներն ունեն: Այդպիսի արբալետ պատվիրելու համար, օրինակ, ԱՄՆ-ում, արտոնագրման երկար գործընթաց պետք է անցնել, որն ավելի քան կես տարի կտևի», — նշել է գործակալության զրուցակիցը:
Նա նաև նշել է, որ Բելառուսում որսորդական զենքի առցանց վաճառքն արգելվում է. «Մասնագիտացված կայքեր կան, որտեղ ներկայացված է նկարը, հրացանի ռեկվիզիտները, սակայն «գնել» կոճակը բացակայում է»:
