ԵՐԵՎԱՆ, 28 օգոստոսի — Sputnik. Հայաստանում ՌԴ դեսպանատունը զբաղվում է Ռուսաստանի քաղաքացի Սերգեյ Միրոնովի գործով, ասաց Ռուսաստանի դիվանագիտական ներկայացուցչության խորհրդական Օլեգ Շապովալովը:
30-ամյա Միրոնովը ձերբակալվել է Երևանի օդանավակայանում: ԱՄՆ-ն նրա նկատմամբ միջազգային հետախուզում էր հայտարարել` զենք վաճառելու կասկածանքով: Ներկա պահին Միրոնովը ձերբակալված է և գտնվում է մեկուսարանում: Նրան ԱՄՆ-ին հանձնելու հարցը դատարանը հավանաբար կորոշի երկուշաբթի:
Դեսպանատունն այլ մանրամասներ առայժմ չի հայտնում:
Ավելի վաղ պաշտպան Կարեն Ներսեսյանը հայտնել էր, որ Միրոնովը ձերբակալվել է Երևանում օգոստոսի 26-ին փողերի լվացման և տեխնոլոգիաների ապօրինի փոխանցման կասկածով: Սերգեյ Միրոնովն աշխատում է որպես ծրագրավորող բելառուսական ՏՏ ոլորտի «Գենեզիս» ընկերության մոսկովյան ներկայացուցչությունում: Ընկերությունը զբաղվում է արբալետների և որսորդական հրացանների առցանց վաճառքով: ԱՄՆ իրավապահ մարմինների աշխատակիցները մեղադրում են Սերգեյ Միրոնովին կայքի միջոցով զենք վաճառելու մեջ:
