00:00
01:00
02:00
03:00
04:00
05:00
06:00
07:00
08:00
09:00
10:00
11:00
12:00
13:00
14:00
15:00
16:00
17:00
18:00
19:00
20:00
21:00
22:00
23:00
00:00
01:00
02:00
03:00
04:00
05:00
06:00
07:00
08:00
09:00
10:00
11:00
12:00
13:00
14:00
15:00
16:00
17:00
18:00
19:00
20:00
21:00
22:00
23:00
Ուղիղ եթեր
09:00
7 ր
Ուղիղ եթեր
09:32
4 ր
Ուղիղ եթեր
09:37
23 ր
Ուղիղ եթեր
10:00
7 ր
Ուղիղ եթեր
10:07
52 ր
Ուղիղ եթեր
11:00
7 ր
Ուղիղ եթեր
13:00
5 ր
Ուղիղ եթեր
14:00
5 ր
Ուղիղ եթեր
17:00
5 ր
Ուղիղ եթեր
18:00
6 ր
5 րոպե Դուլյանի հետ
18:06
8 ր
Ուղիղ եթեր
19:00
6 ր
Ուղիղ եթեր
09:00
5 ր
Ուղիղ եթեր
09:20
7 ր
Ուղիղ եթեր
12:00
5 ր
Ուղիղ եթեր
13:00
5 ր
Ուղիղ եթեր
14:00
6 ր
Исторический ликбез
Егор Яковлев. 80-летие освобождения Выборга советскими войсками
15:04
24 ր
Исторический ликбез
Егор Яковлев. Лето 1944 года: как Германия реагировала на успехи СССР
15:33
25 ր
Ուղիղ եթեր
17:00
6 ր
Ուղիղ եթեր
18:00
6 ր
Ուղիղ եթեր
19:00
5 ր
ԵրեկԱյսօր
Եթեր
ք. Երևան106.0
ք. Երևան106.0
ք. Գյումրի90.1

Խորհուրդներ ծնողներին կամ ինչպես ուսումնական տարվա պատճառով սթրես չունենալ

© Sputnik / Константин Чалабов / Անցնել մեդիապահոցКласс. Ученики
Класс. Ученики - Sputnik Արմենիա
Բաժանորդագրվել
Երբ երեխան դպրոց է ընդունվում, սկսվում է նրա սոցիալական կարգավիճակի փոփոխության գործընթացը, կտրուկ փոխվում է շրջապատը։ Սա կարող է երեխայի մոտ ինչպես բացասական, այնպես էլ դրական զգացմունքներ առաջացնել։

ԵՐԵՎԱՆ, 25 օգոստոսի — Sputnik. Դպրոցական ծրագիրը անպատրաստ երեխայի համար որոշակի ռիսկ է պարունակում, կարող է անգամ սթրեսի պատճառ դառնալ։ Գործոնների շարքում են նոր ուսուցչի հետ շփումը, հասակակիցների հետ հարաբերությունների կարգավորումը, ինչպես նաև դպրոցական ծանրաբեռնվածությունը։

Շատ կարևոր է երեխային նախօրոք նախապատրաստել դպրոցին, Sputnik Արմենիային տված հարցազրույցում ասաց երկրորդ դասարան փոխադրված Վահեի մայրը` Հասմիկ Սահակյանը։

«Երեխային ես նախօրոք էի դպրոցին նախապատրաստում, պատմում էի, թե ինչ է նրան սպասում, որքան է այնտեղ մնալու, որ ուսուցչուհի է ունենալու։ Նա արդեն գիտեր, որ թվեր ու տառեր է սովորելու, և որ դպրոցում մի շարք նոր և հետաքրքիր առարկաներ է անցնելու։ Այսինքն` ես ամեն կերպ տրամադրում էի երեխային դպրոց գնալուն», — ասաց Սահակյանը։

Նա հայտնեց, որ իր որդին որոշակի դժվարությունների ամեն դեպքում բախվեց, մասնավորապես, տնային աշխատանքը կատարելիս։

«Երեխան դպրոցից հոգնած գալիս էր տուն և հանգստի կարիք ուներ։ Ի դեպ, մենք հիանալի ուսուցչուհի ունենք, որը շատ է սիրում երեխաներին։ Այդ առումով մեր բախտը բերել է։ Նա է ծնողներին խորհուրդ տվել երեխաներին միանգամից չծանրաբեռնել տնային աշխատանքներով։ Սկզբում երեխաները պետք է հանգստանան, հետո նոր դասերն անեն», — ավելացրեց մեր զրուցակիցը։

Ադապտացիա և դրական սթրեսներ

Հոգեբանական գիտությունների թեկնածու Լաուրա Պետրոսյանը Sputnik Արմենիա միջազգային մամուլի կենտրոնում պատմեց, թե ինչու են դպրոց գնացած և խաղալիքներից կտրված երեխաների մոտ խնդիրներ սկսվում։

© Sputnik / Asatur YesayantsԼաուրա Պետրոսյան
Лаура Петросян - Sputnik Արմենիա
Լաուրա Պետրոսյան

«Երբ խոսքն ադապտացիայի մասին է, հարկ է հաշվի առնել, թե ինչի մասին է խոսքը` դրական, թե բացասական սթրեսի մասին։ Հաճախ մենք սթրեսն ընկալում ենք որպես բացասական երևույթ։ Սակայն մարդը չի կարող զարգանալ առանց սթրեսային իրավիճակների», — ասաց Պետրոսյանը։

Նրա խոսքով` երբ երեխան առաջին դասարան է գնում, նրա համար դա նոր մթնոլորտ է (նոր ուսուցիչներ, համադասարանցիներ), և նա իրեն վստահ չի զգում։

«Ծնողները հաճախ փորձում են այնպես անել, որ երեխան չբախվի սթրեսների կամ խնդիրների, սակայն նրանք մոռանում են, որ դա կարող է օգտակար լինել, և հետևանքները կարող են դրական լինել», — նշեց հոգեբանը։

Նա ավելացրեց, որ ամեն ինչ կախված է նրանից, թե ինչպիսին է երեխայի առաջին արձագանքը, ինչպես նաև նրանից` որքանով հեշտ է նա շփման մեջ մտնում անծանոթ մարդկանց հետ։
Պետրոսյանի խոսքով` եթե երեխան նոր մարդկանց հեշտ է ընդունում, նրա համար հետագայում ավելի հեշտ կլինի։

«Սակայն լինում են իրավիճակներ, երբ սթրեսը երեխայի վրա բացասական է անդրադառնում, և այդ պարագայում հաճախ հոգեբանի խորհրդատվության անհրաժեշտություն է առաջանում», — ասաց Պետրոսյանը։

Ինչ վերաբերում է ուսուցիչներին, հոգեբանի խոսքով, տարրական դպրոցների աշակերտներն ուսուցչին որպես մանկավարժ չեն ընկալում, այլ նրա մեջ տեսնում են մեկին, ով պետք է հոգ տանի իրենց մասին։ Հաճախ ուսուցչուհին մոր հետ է ասոցացվում։

Պետրոսյանը նշեց, որ ամեն ինչ կախված է նրանից, թե ինչպիսին պետք է լինի ուսուցիչը` սկսած հագուստից վերջացրած երեխաների հետ հարաբերություններով և վարքով։ Ուսուցիչը պետք է վստահություն ներշնչի երեխային։

Խորհուրդներ

  • Նախապատրաստեք երեխային դպրոցին։ Անհրաժեշտ է ապահովել երեխայի տեղեկացվածությունը։ Ապագա դպրոցականը պետք է հասկանա` ուր է գնում և ինչու է դա անում։
  • Պետք չէ սեփական զգացմունքները խառնել երեխայի ապրումների հետ։ Եթե դուք լուծում եք դպրոցականի խնդիրները, զբաղվեք միայն դրանով։
  • Անհրաժեշտ է նկատել երեխաների խնդիրները, հետևել, թե ինչի մասին է երեխան խոսում և ինչ խնդիրներ ունի։ Պետք է պարզել երեխայի վատ տրամադրության պատճառը, նրան հնարավորություն տալ ինքնուրույն հասկանալ պատճառը, ինչպես նաև ինքնուրույն լուծել խնդիրները։
  • Լինում են դեպքեր, երբ երեխային նեղացրել են, և նա դպրոց գնալ չի ցանկանում։ Ծնողն անպայման պետք է հասկանա` որն է պատճառը, ով է նեղացրել երեխային։ Այդպիսով` դուք երեխային կօգնեք իրեն ավելի վստահ զգալ։ Փորձառու ծնողը պետք է գիտակցի, որ նա և երեխան աշխարհին նայում ու այն ընկալում են յուրովի։
  • Պատճառները պարզելուց հետո մի նեղացրեք և մի բարկացեք երեխայի վրա այն բանի համար, որ նա ինչ-որ իրավիճակում չի կարողացել ճիշտ կողմնորոշվել կամ «հակահարված տալ» նեղացնողին։
Լրահոս
0