ԵՐԵՎԱՆ, 18 օգոստոսի — Sputnik. Թուրքիայի արևելքում գտնվող Էլյազիգ քաղաքում ականապատ երկու ավտոմեքենա է պայթել։ Տուժածների թիվը հասնում է 146-ի, հայտնում է ՌԻԱ Նովոստին` հղում անելով Daily Sabah պարբերականին։
Ավելի վաղ հայտնել էին վեց զոհի մասին։ 14 մարդ գտնվում է ծայրահեղ ծանր վիճակում։
ԶԼՄ-ների հաղորդմամբ` պայթյուններից մեկը կազմակերպել է Քրդստանի աշխատավորական կուսակցությունը (ՔԱԿ)։ ՔԱԿ-ը դեռ չի ստանձնել պայթյունի պատասխանատվությունը։
