ԵՐԵՎԱՆ, 18 օգոստոսի — Sputnik. Պավել Մանուկյանի պաշտպան Ինեսսա Պետրոսյանը դեմ է, որ իր պաշտպանյալի վիրահատությունն անցկացվի այդ հաստատությունում։
«Պավել Մանուկյանի վիրահատությունը նախատեսվում է անցկացնել «Դատապարտյալների հիվանդանոցում»։ Ես դեմ եմ, որ այն տեղի ունենա այնտեղ։ Լսել եմ «էրեբունի» բժշկական կենտրոնի տնօրեն Միքայել Մանուկյանի հայտարարությունը, թե այնտեղ կա համապատասխան վիրահատարան, և իրենք կարող են անցկացնել կոնկրետ վաղվա վիրահատությունը։ Նա նաև նշել է, որ այնտեղ 7 հիվանդ է բուժվում և կարող են լինել վիրահատություններ, որոնք կարող են տեղափոխվել «էրեբունի» բժշկական կենտրոն»,- ասել է Պետրոսյանը։
