ԵՐԵՎԱՆ, 16 օգոստոսի — Sputnik. Արթուր Վարդանյանի գլխավորած զինված խմբի ծրագրած պետական հեղաշրջման գործին մասնակից լինելու համար կալանավորված Հայաստանի պաշտպանության նախկին փոխնախարար Վահան Շիրխանյանի գործով բողոքը ուղղվել է Մարդու իրավունքների Եվրոպական դատարան։ Այդ մասին հայտնել է նրա պաշտպան Հայկ Ալումյանը։
«Մենք դիմեցինք վճռաբեկ դատարան, իսկ առաջիկայում կդիմենք ՄԻԵԴ։ Այս գործի վրա կաշխատեն նաև օտարերկրյա պաշտպաններ», — ասել է Ալումյանը։
Նրա խոսքով, Շիրխանյանին ուղղված մեղադրանքը որևէ կերպ հիմնավորված չէ, վերացական բնույթ է կրում, իսկ նրա առողջական վիճակը քրեակատարողական հիմնարկում աստիճանաբար վատանում է։
«Դեռ ձերբակալելուց առաջ Շիրխանյանի առողջական վիճակը վատ էր, մասնավորապես, նա սրտի, թոքերի հետ կապված խնդիրներ է ունեցել», — ասել է Ալումյանը։
Նրա խոսքով, Շիրխանյանին այցելելիս նկատում է, թե ինչպես է վատանում նրա վիճակը։ Նա դժվարությամբ է հասնում պաշտպանի հետ հանդիպման վայր։ Ամբաստանյալը երկու անգամ չի կարողացել մասնակցել հետաքննական միջոցառումներին։
Ալումյանը նշել է, որ քննչական մարմինները միջնորդել են, որ Շիրխանյանի կալանավորման ժամկետը երկարաձգվի, քանի որ նրա ազատության մեջ գտնվելը կարող է խանգարել հետաքննությանը։
Փաստաբանի խոսքով, սակայն, Շիրխանյանի բուժումը քրեակատարողական հիմնարկի պայմաններում անհնար է։հան Շիրխանյանին մեղադրանք է առաջադրվել ՔՕ 223 հոդվածի 2-րդ կետի համաձայն (Հանցավոր համագործակցությանը մասնակցելը)։ Երկրի տարածքում մի շարք հանցագործությունների կատարմանը նպաստող կազմակերպված հանցախումբը վնասազերծվել էր 2015 թվականի նոյեմբերի 25-ին։
Խումբը գլխավորում էր ՀՀ քաղաքացի Արթուր Վարդանյանը, որը երկար ժամանակ բնակվում էր արտասահմանում։ Գործով ձերբակալվել է մոտ 30 անձ։
