ԵՐԵՎԱՆ, 12 օգոստոսի — Sputnik. Թուրքիայի քաղաքականությունն իր դեմ է միավորել Ռուսաստանին, Իրանին և Չինաստանին, ասաց քաղաքագետ Սերգեյ Շաքարյանցը։
«Ռուսաստանը միություն չի կնքել Իրանի և Չինաստանի հետ, սակայն գործում է բանավոր համաձայնության շրջանակում։ Նրանք հակված են տարածաշրջանում վարել հակաթուրքական քաղաքականություն», — ասաց Շաքարյանցը։
Չնայած նրան, որ Թուրքիան պատրաստակամություն է հայտնել ընդունել ռուսական կողմի բոլոր առաջարկները, Ռուսաստանի և Իրանի ղեկավարներն արդեն պայմանավորվել են տարածաշրջանում համագործակցության մասին։
Այդ երկրները չեն ցանկանում համագործակցել Թուրքիայի հետ այն պատճառով, որ այն անկախ երկիր չէ։ Նրա խոսքով, այդ երկիրը ԱՄՆ-ի և Իսրայելի կցորդն է և չի վարում ինքնուրույն քաղաքականություն։
Շաքարյանցը նշեց, որ Թուրքիան Կովկասում խանգարում է ինչպես Իրանին, այնպես էլ Ռուսաստանին։ Այդ նույն երկրներին խանգարում է նաև Միջին Ասիայում և բոլորին` Մերձավոր Արևելքում։
Քաղաքագետի խոսքով, Ռուսաստանը հարգում է Իրանի շահերը տարբեր տարածաշրջաններում, նույն կերպ վարվում է նաև ԻԻՀ-ը, որի վառ օրինակը սիրիական Հալեպում ՌԴ մարդասիրական օգնությանը մասնակցելու հարցում Իրանի համաձայնությունն է։
