ԵՐԵՎԱՆ, 10 օգոստոսի — Sputnik. Առավոտյան մրցահերթում ռինգ դուրս եկավ 64 կգ քաշային Հովհաննես Բաչկովը: 1/16 եզրափակչում գյումրեցի բռնցքամարտիկը ուժերը չափեց Վենեսուելայի ներկայացուցիչ Լուիս Մարտին Արկոնի հետ:
Մենամարտը բավականին ծանր ստացվեց: Առաջին ռաունդում 3 մրցավարները հաղթանակը տվեցին վենեսուելացի բռնցքամարտիկին, սակայն հաջորդ 2-րդ ռաունդներում Բաչկովը հավաքեց ուժերը և կարողացավ ընդհանուր 2:1 հաշվով հաղթանակ տանել: Հաջորդ փուլում նրա մրցակիցը կլինի Հու Քսյանյունը (Չինաստան):
Նշենք, որ ավելի վաղ առավոտյան մրցահերթում 56 կգ քաշային Արամ Ավագյանը 1/16 եզրափակչում ուժերը չափեց ճապոնացի 20-ամյա բռնցքամարտիկ Արաշի Մորիսակայի հետ, և բարդ մենամարտում նա հաղթեց 2:1 հաշվով: 1/8 եզրափակչում Արամ Ավագյանը կմրցի օլիմպիական խաղերի բրոնզե մեդալակիր, աշխարհի և Եվրոպայի գործող չեմպիոն Մայք Քոլանի հետ:
