ԵՐԵՎԱՆ, 6 օգոստոսի-Sputnik. Նժույգաթափերի վրա Եվրոպայի 2016 թվականի չեմպիոնը բավականին վստահ կատարեց իր պլանավորված վարժությունը և, մրցավարների կողմից ստանալով 15.583 գնահատական, շատ լավ հայտ ներկայացրեց եզրափակիչում հանդես գալու համար:
Դա գերազանց մեկնարկ էր օլիմպիական խաղերի համար:
Եվրոպայի առաջնությունում Հարություն Մերդինյանը չեմպիոն էր հռչակվել՝ արժանանալով 15.366 գնահատականի: Ամենայն հավանականությամբ, մեր մարզիկը հանդես կգա եզրափակչում:
Հիշեցնենք, որ օլիմպիական չեմպոնը նժույգաթափերի վարժությունում հայտնի կդառնա օգոստոսի 14-ին:
Հենացատկերում Արթուր Դավթյանը ցատկերից մեկն այնքան էլ հաջող չկատարեց, ու մրցավարներն արժանացրեցին 13.833 գնահատականի, որն այնքան էլ բարձր ցուցանիշ չէ:
Հիմա մնում է սպասել ու հասկանալ, թե առանձին գործիքների վրա ինչպիսի վերջնական արդյունքներ կգրանցվեն:
