ԵՐԵՎԱՆ, 6 օգոստոսի-Sputnik. Հայ մարմնամարզիկներ Հարություն Մերդինյանը (նժույգթափեր) և Արթուր Դավթյանը (հենացատկ) կմեկնարկեն 2-րդ ենթախմբի 4-րդ և 6-րդ մրցահերթերում։
Աշխարհի առաջնության բրոնզե մեդալակիր, Եվրոպայի չեմպիոն Հարություն Մերդինյանը նժույգթափերին կմոտենա 2-րդը։ Սա Մերդինյանի առաջին Օլիմպիական խաղերն են։
Եվրոպայի առաջնության բրոնզե և արծաթե մեդալակիր հենացատկորդ Արթուր Դավթյանը հանդես կգա 2-րդ խմբի 6-րդ մրցահերթում։ Դավթյանի համար Ռիո-2016-ը երկրորդ օլիմպիական խաղերն են, նա մասնակցել է այդ խաղերին նաև Լոնդոնում։
Որակավորման փուլը հաղթահարելու դեպքում հայ մարմնամարզիկները հանդես կգան իրենց առանձին գործիքների եզրափակչում. օգոստոսի 14-ին՝ Մերդինյանը, իսկ 15-ին՝ Դավթյանը։
Մարմնամարզության տղամարդկանց հավաքականի գլխավոր մարզիչ Հակոբ Սերոբյանն այս օլիմպիական խաղերում կաշխատի իբրև մրցավար։ Սերոբյանը քիչ առաջ մասնակցեց մրցավարների հանդիսավոր քայլերթին։
Ընդհանուր առմամբ, մրցումային աաջին օրն ընթանում է գերլարված մթնորոտում։ Բարձր արդյունքներ գրանցեցին ճապոնացիները։
Համաշխարհային մարմնամարզության գերաստղ Կոհեյ Ուչիմուրան գլխավորեց աղյուսակը բազմամարտում։
Լարվածությունն այնքան մեծ է, որ Լոնդոնի Օլիմպիական խաղերի և աշխարհի 6-ակի չեմպիոն Ուչիմուրան սայթաքեց պտտաձողից։
Հիշեցնենք, որ հայ մարմնամարզիկները բազմամարտում հանդես չեն գալու։
