ԵՐԵՎԱՆ, 6 օգոստոսի — Sputnik. Ռիո դե Ժանեյրոյի օլիմպիական խաղերին Ուրուգվայը ներկայացնելու է 17 մարզիկ։ Նրանք հանդես են գալու յոթ մարզաձևում:
Ուրուգվայի օլիմպիական հավաքականի մարզկներից երկուսը ազգությամբ հայ են:
Առաջինը ձյուդոիստ Պաբլո Աբրահամյանն է, որը կներկայանա մինչև 100 կգ քաշային կարգում:
Հետաքրքիր է, որ Պաբլոն օլիմպիական ուղեգիր է նվաճել՝ մենամարտելով եղբոր՝ Միքայել Աբրահամյանի հետ, որը նույնպես մեծ հնարավորություն ուներ մասնակցելու տարվա ամենամեծ սպորտային իրադարձությանը, հայտնում է republica.com.uy պարբերականը:
Երկրորդ մարզիկը լողորդ Մարտին Մելքոնյանն է: Նա Օլիմպիական ուղեգիր նվաճեց, նաև սահմանեց ազգային ռեկորդ՝ բարելավելով իր իսկ սահմանած նախկին ռեկորդը:
