Օլիմպիական կյանքի խելահեղ ռիթմը Ռիոյում

ԵՐԵՎԱՆ, 6 օգոստոսի — Sputnik. Մեր ճանապարհորդությունը դեպի Օլիմպիական ավան սկսվեց ուշացում, քանի որ ուշացավ մեզ հատկացաված ավտոբուսը:

Օլիմպավանի մուտքի մոտ երկար հերթեր էին, ոմանք եկել էին այցելելու իրենց բարեկամ մարզիկներին, ոմանք մեզ պես լրագորղներին էին, ոմանք էլ սպասում էին ներս մտնելու իրենց հերթին:

Օլիմպիական ավանի հսկողույթունը շատ խիստ էր, այցելուներին և նրանց իրերը ստուգում էին գերժամանակակից տեխնոլոգիաների միջոցով:

Ներս մետնելուց առաջ մեզ տեղեկացրին, որ շրջագայությունը Օլիմպիական ավանով վերջանում է ժամը 18-ին:

Ներսում` Օլիմպիավանի դիմացը, լրագրողների հատվածն էր, այնտեղ տարբեր երկրներից ժամանած լրագրողները հարցազրույցներ էին վերցնում մարզիկներից:
Առաջինը` ում նկատեցիքնք ներս մտնելուց հետո, մերոնք էին` հայ աթլետները՝ Ռոբետ Էմիյանի հետ միասին:

Նոր էինք սկսել զրույցը, երբ նկատեցինք դեպի մեզ եկող մեծ խմբի. Ֆրանիայի նախագահ Ֆրանսուա Օլանդն էր:Ռոբերտ Էիմյանն ու նա մի քանի բառ փոխանակեցին, լուսանկարվեցին, ողջագուրվեցին և շարունակեցինք մեր ճանապարհը:

Օլմիպիական ավանի ճաշարանի մոտ բաժանվեցինք աթլետներից և գնացինք փնտրելու այն շենքը, որտեղ ապրում են Հայաստանի պատվիրակությունը և մարզիկները:

«Համար 25-ն է »,- ճաշարան մտնելուց առաջ հուշեց հեռացատկորդ Ամալյա Շարոյանը:

Մեր պատվիրակության անդամները և մարզիկները ապրում են նույն շենքում Բելառուսի և Ուկրաինայի հավաքականների հետ միասին, նրանց հարևանությամբ գտնվում են իսպանացիների, ավստրալացիների և գերմանցիների շենքերը:

Արդեն նշել էինք, որ շենքերի պատշգամբերից կախված են լինում տարբեր երկների դրոշներ ու գրությունները: Ամենահետաքրքիր տարբերակը մտածել էին Սլովենիայի ներկայցուցիչները. նրանց շենքի պատշգամբներից կախված էին Feel sLOVEnia գրառումները:

Շարունակելով մեր շրջագայությունը4 ավանում հանդիպեցինք Ռուսաստանի բռնցքամարտի հավաքականի բժիշկներից մեկին, որն անմիջապես ասաց. «Աղջիկներ ներողություն, բայց մեզ` Ռուսաստանի հավաքականի բժիշկներիս, արգելված է հարցազրույց տալ»:

Այնուհետև վրացի ձյուդոյիստներին տեսաք, որոնք, չգիտես ինչու, եզրակացրին, որ կարող են մեզ վրացրենով հարցազրույց տալ, իսկ թե մենք ինչպես պետք է դա հասկանայինք` այլ հարց է:

Օլիմպիական ավանում մեզ հանդիպած կամավորնրեից մեկն ասաց, որ երեկ տեսել է Սերաենա Ուլյամսին ` Օլիմպավանի ֆիտնես կենտրոնում մարզվելիս, իսկ այսօր՝ Հուսեին Բոլտին:

Երբ պատրաստվում էինք դուրս գալ Օլիմպիական ավանից մեզ հանդիպեց չինացի մի երիտասարդ լրագրող: Մի քանի բառ փոխանակելուց հետո հարցրեց, թե՝ Հայաստանը քանի՞ մարզիկով է ներկայանում Օլիմպիական խաղերին: Մենք պատսխանեցինք, որ 33 մարզիկ կա այստեղ:

«Այս շենքը տեսնո՞ւմ եք: Ամբողջությամբ Չինաստանի հավաքականինն է` 700 մարզիկ, դե, գիտեք մեր բնակչության թիվը մեծ է»,- ասաց նա:

Հրաժեշտ տալով չինացի մեր ընկերոջը, շտապեցինք դեպի ելքը, դեռ ժամը վեցը չկար, բայց պետք էր արագ հասնել բռնցքամարտի մարզային դահլիճ:

Այստեղ կյանքի խելահեղ ռիթմ է, անգամ 24 ժամը չի բավարարում։