ԵՐԵՎԱՆ, 6 օգոստոսի — Sputnik. Հայաստանի պատվիրակությունը մանակցեց շքերթին։ Դրոշակակիրը լողորդ Վահան Մխիթարյանն էր։ Պատվիրակությունը կրում էր մոխրագույն համազգեստ։
Հայ մազրիկներից ոմանք բաց թողեցին քայլերթը, քանի որ հենց վաղն առավոտյան մեկնարկում է նրանց ելույթը։
Մարականայում հանդիսատեսը տպավորված և հիացած էր բացման արարողությունով։
Հանդիսավոր բացման քայլերթին Իսպանիայի պատվիրակությունից մասնակցեց նաև թենիսի գերաստղ Ռաֆայել Նադալը։
Մեծ Բրիտանիայի պատվիրակության դրոշակակիրը Մեծ Սաղավարտի մրցաշարերի բազմակի հաղթող թենիսիստ Էնդի Մարեյն էր։
Ինչպես հայտնի է, այս մարզադաշտը հսկայական է, և բավականին դժվար էր ինչպես մուտք գործելը, այնպես էլ լրագրողների համար նախատեսված տրիբունան գտնելը։
Միջազգային Օլիմպիական կոմիտեն գերհագեցած է նորագույն տեխնոլոգիաներով։ Ամեն ինչ արված է արագ տեղաշարժ իրականացնելու համար, սակայն դրա իրագործումն է բարդ։
Բանն այն է, որ անգամ տեղկատվության հագեցվածության այդպիսի պայմաններում կամավորները դժվարանում են կողմնորոշվել։ Հաղորդակցվելը նույնպես մեծագույն խնդիր է։ Անգլերենի տիրապետում են քչերը։
Բրազիլացի կամավորներից մեկը գրեթե ողջ մարզադաշտը վազեց մեզ հետ, նրա օգնությամբ միայն հաջողվեց գտնել լրագրողների տրիբունան։
Ինչևէ, բազմաթիվ խնդիրներով և դժվարություններով հանդերձ, Ռիոյին հաջողվեց ներկայանալ ըստ արժանվույն։
Բրազիլիան մատուցեց իր պատմության ամենահենակետային զարգացումները՝ գաղութացումից մինչև մեր օրերի ֆավելաներ։ Բացման արարողության ժամանակ հատուկ շեշտ դրվեց երկրագնդի պահպանման և էկոլոգիական խնդիրների վրա։
Բոլոր այն մարզիկներն, ովքեր մասնակցում են Օլիմպիական խաղերին, կտնկեն մեկական ծառ ի նշան երկիր մոլորակի բարորության, չէ՞ որ Օլիմպիական խաղերի կարգախոսն է՝ A new world՝ նոր աշխարհ։
