ԵՐԵՎԱՆ, 5 օգոստոսի — Sputnik. Հուլիսի 17-ին ՊՊԾ գնդի տարածքում ծանր վնասվածք ստացած նույն գնդի հերթապահ, ոստիկանության ավագ ենթասպա Գագիկ Մկրտչյանի առողջական վիճակը շարունակում է մնալ ծայրահեղ ծանր. իր ֆեյսբուքյան էջում հայտնում է ոստիկանության հասարակայնության հետ կապերի և լրատվության վարչության պետ Աշոտ Ահարոնյանը:
Ըստ Ահարոնյանի, Գագիկ Մկրտչյանին միացված է արհեստական շնչառության սարք, սրտանոթային համակարգի գործունեությունը պահպանվում է դեղամիջոցներով:
Հրազենային ծանր վիրավորում ստացած ոստիկանն այս ընթացքում չորս անգամ ենթարկվել է վիրահատության, բժիշկները պայքարում են նրա կյանքի համար:
