ԵՐԵՎԱՆ, 5 օգոստոսի — Sputnik. Ազգային անվտանգության ծառայության հրապարակած հաղորդագրության մեջ նշվում է, որ ապօրինի կերպով ռազմամթերք ձեռք բերելու և պահելու փաստի կապակցությամբ ՀՀ Ազգային անվտանգության ծառայության քննչական վարչությունում հարուցված քրեական գործի շրջանակներում իրականացված քննչական գործողությունների, այդ թվում՝ խուզարկությունների արդյունքում, Երևան քաղաքի բնակիչ Գ.Ս.-ի բնակարանում հայտնաբերվել է մեծ քանակությամբ ռազմամթերք:
![СНБ обнаружила арсенал в доме предполагаемого пособника Сасна црер СНБ обнаружила арсенал в доме предполагаемого пособника Сасна црер - Sputnik Արմենիա](https://cdn.am.sputniknews.ru/img/457/95/4579515_0:0:1000:1500_600x0_80_0_0_bef8ea87a5bd20dab408349bfcb6f386.jpg)
Մասնավորապես, առգրավվել և փորձաքննության են ուղարկվել շուրջ 6000 հատ փամփուշտ, 15 հատ նռնակ, նռնակի ճայթիչներ, տրոտիլ պայթուցիկ նյութեր, կապսուլ-դետոնատորներ, ազդանշանային հրթիռներ, ինքնաձիգի լիցքավորված փամփշտակալներ, հակատանկային ականանետ, ռադիոկապի միջոց, ականորսիչ և այլն:
Ձերբակալվել է երկու անձ: Ստացված դատավարական և օպերատիվ տվյալների համաձայն՝ հայտնաբերված ռազմամթերքը կարող է առնչություն ունենալ ՀՀ Ոստիկանության պարեկապահակային ծառայության (ՊՊԾ) գնդի տարածքը զավթած զինված խմբի հանցավոր գործունեության հետ: Նախաքննության ընթացքում ստուգվում են ինչպես այս, այնպես էլ հավանական այլ վարկածները։
![СНБ обнаружила арсенал в доме предполагаемого пособника Сасна црер СНБ обнаружила арсенал в доме предполагаемого пособника Сасна црер - Sputnik Արմենիա](https://cdn.am.sputniknews.ru/img/457/94/4579457_0:0:1000:666_600x0_80_0_0_4545d9325ed8887e03c70e68551a026d.jpg)