ԵՐԵՎԱՆ, 3 օգոստոսի- Sputnik. Այցի շրջանակում Սերժ Սարգսյանը Մոսկվայում հանդիպում կունենա նախագահ Պուտինի հետ, հաղորդում է ՀՀ նախագահի մամուլի ծառայությունը:
Բարձր մակարդակի բանակցությունների ընթացքում նախատեսվում է քննարկել ռազմավարական գործընկեր երկու պետությունների միջև մի շարք ոլորտներում՝ քաղաքական, առևտրատնտեսական, հումանիտար, երկկողմ փոխգործակցության օրակարգի առանցքային հարցեր, ինչպես նաև եվրասիական տարածքում ինտեգրացիոն գործընթացների զարգացմանը վերաբերող խնդիրներ:
Նախագահներ Սերժ Սարգսյանը և Վլադիմիր Պուտինը մտքեր կփոխանակեն նաև միջազգային և տարածաշրջանային մի շարք արդիական խնդիրների շուրջ:
