ԵՐԵՎԱՆ, 27 հուլիսի — Sputnik. «Սասնա ծռեր» խմբավորման անդամները ներկայացրել են պահանջ, որ առողջապահության նախարար Արմեն Մուրադյանն ու բժիշկների անձնակազմը ներկայանան Ոստիկանության պարեկապահակային ծառայության գունդ` այնտեղ վիրահատություններ անելու համար, որի դիմաց ազատ կարձակեն շտապօգնության բժիշկներին: Այս լուրը հաստատեց ՀՀ առողջապահության նախարարության հասարակայնության հետ կապերի բաժնի պետ Անահիտ Հայթայանը։
ՊՊԾ-ն գրաված զինված խմբի անդամները Շտապօգնության բժիշկներին պատանդ են վերցրել այսօր առավոտյան: Շտապօգնության խումբը ՊՊԾ գունդ է մտել, քանի որ կանչ են ստացել, որ երկու վիրավորի պետք է տեղափոխեն հիվանդանոց, սակայն բժիշկների հասնելուն պես զինյալները հրաժարվել են տալ վիրավորներին:
