ԵՐԵՎԱՆ, 22 հուլիսի — Sputnik. Ռուսաստանի ԱԳՆ-ն զարմանք է արտահայտել այն մասին, որ ԵՄ-ն խուսափել է ուղիղ մեղադրանք հնչեցնել Երևանում ՊՊԾ գնդի վրա զինված հարձակման վերաբերյալ։
«Զարմանալիորեն, այդ փաստաթղթում տեղ չեն գտել ուղիղ և հստակ մաղադրանքներ` ոստիկանության ստորաբաժանման շենքի վրա զինված հարձակման, ոստիկանի սպանության և պատանդ վերցնելու վերաբերյալ», — գրված է Ռուսաստանի ԱԳՆ տեղեկատվության և տպագիր մամուլի բաժնի մեկնաբանության մեջ։
Հաղորդագրության մեջ նշվում է, որ դրա փոխարեն շեշտը դրվել է իշխանության նկատմամբ հնչեցրած պահանջների վրա` պահպանել զսպվածություն ու հետաքննել ոստիկանության ապօրինի գործողությունները։
«Տպավորություն է ստեղծվում, որ ԵՄ դիվանագետները աջակցում են Հայաստանում իրավիճակն ապակայունացնող ուժերին», — նշված է հաղորդագրության մեջ։
