ԵՐԵՎԱՆ, 21 հուլիսի — Sputnik. ԵՄ երևանյան պատվիրակության հայտարարության հեղինակներն անընդունելի են համարում քաղաքական փոփոխության նպատակով ուժի կիրառումը, միաժամանակ, զորակցություն հայտնում ՀՀ ոստիկանության Երեւանի վարչության ՊՊԾ գնդի հրամանատարի տեղակալ գնդապետ Արթուր Վանոյանի ընտանիքին և արագ ու լիարժեք ապաքինում մաղթում Ոստիկանության Էրեբունու բաժանմունքում տեղի ունեցած դեպքերից տուժողներին:
ԵՄ պատվիրակությունն իր մտահոգությունն է հայտնում անհամաչափ ուժի կիրառման և ոստիկանության իրականացրած զանգվածային ձերբակալությունների վերաբերյալ՝ իշխանություններին կոչ անելով հարգել համաչափության սկզբունքը խաղաղ բնույթի, ինչպես նաև բռնությամբ ուղեկցվող հանրային բողոքի ակցիաների առնչությամբ:
Հայտարարության հեղինակները ցուցարարներին հորդորում են իրենց քաղաքացիական իրավունքների իրացման ընթացքում ձեռնպահ մնալ բռնի գործողություններից:
