ԵՐԵՎԱՆ, 22 հուլիսի-Sputnik. Թուրքիայի նախագահ Թայիփ Էրդողանը հրապարակել է երկրում հեղաշրջման հետևանքով մահացածների մասին տվյալները։
Թուրքիայում հեղաշրջման փորձի հետևանքով մահացել է 246 մարդ` չհաշված խռովության մասնակիցներին, ավելի քան երկու հազար մարդ վիրավորվել է, հաղորդում է ՌԻԱ Նովոստին` հղում անելով Ռոյթերսին։
Էրդողանը հաղորդել է, որ շուտով կհրապարակի զինված ուժերի նոր կազմը։
Հուլիսի 15-ի լույս 16- ի գիշերը Թուրքիայում կատարվել է ռազմական հեղաշրջման փորձ:
Անկարայում խորհրդարանի շենքի և նախագահական նստավայրի վրա նետել են ռումբեր, փակել են Ստամբուլի օդանավակայանը։
