ԵՐԵՎԱՆ, 16 հուլիսի-Sputnik. Թուրքիայում գերլարված իրավիճակ է։ Ինչպես հաղորդում է Ռիա-Նովոստին, իշխանությունները հաղորդագրություն են տարածել երկրում զինված հեղաշրջում կատարելու փորձի մասին։
Անկարայում հնչում են կրակոցներ, ռազմական օդանավեր և ուղղաթիռներ են պտտվում երկնքում:
Տանկեր են տեղակայվել Ստամբուլի Աթաթուրքի անվան օդանավակայանում։ Օդանավակայանը փակ է, բոլոր չվերթները դադարեցվել են։
Երթեւեկությունը փակվել է Բոսֆորի կամրջի վրայով:
Ռազմական հեղաշրջում կազմակերպած խումբը պատանդ է վերցրել Թուրքիայի Զինված ուժերի գլխավոր շտաբի պետ Հուլուսի Աքարին, գրավել ոստիկանական բաժանմունքներ:
Թուրքական լրատվամիջոցների հաղորդմամբ, նախագահ Ռեջեփ Թայիփ Էրդողանը այս պահին Թուրքիայում չէ, մեկնել է հանգստի։
