ԵՐԵՎԱՆ, 22 հուլիսի — Sputnik. Այսօր Սյունիքի հովիտներում և Արարատյան դաշտում սպասվում է բարձր ջերմաստիճան և բարձր կարգի հրդեհավտանգ իրավիճակ: Ուլտրամանուշակագույն ճառագայթման ինտենսիվությունը սպասվում է նորմայից բարձր: Այդ մասին հայտնում է ԱԻՆ-ը։
Հանրապետության որոշ շրջաններում երեկոյան ժամերին սպասվում է կարճատև անձրև և ամպրոպ, ամպրոպի ժամանակ‵ քամու ուժգնացում:
Երևանում հուլիսի 22-ին և 25-ին սպասվում է առանց տեղումների եղանակ:
Օդի ջերմաստիճանը 23-25-ին կնվազի 5-7 աստիճանով:
Հուլիսի 26-ին երեկոյան ժամերին սպասվում է ամպրոպ, կա կարճատև անձրևի հավանականություն։
