ԵՐԵՎԱՆ, 19 հուլիսի-Spurnik. ՀՀ ոստիկանության պարեկապահակային ծառայության գնդի տարածքում տեղի ունեցած միջադեպի արդյունքում տուժածներից այս պահին ստացիոնար բուժում է ստանում 4 քաղաքացի, որից 2-ը` «Էրեբունի» ԲԿ-ում։ Այս մասին հայտնում է առողջապահության նախարարության մամուլի ծառայությունը։
Վերակենդանացման բաժանմունքում գտնվում է մեկ ոստիկան, նրա վիճակը գնահատվում է կայուն` դրական առաջընթացով։ Նա ինքնուրույն է շնչում, վիճակը համապատասխանում է հետվիրահատական շրջանին։
«Էրեբունի» ԲԿ-ում բուժվող մյուս հիվանդի վիճակը բավարար է։ Բավարար է գնահատվում նաև այն տուժածի առողջական վիճակը, որը բուժում է ստանում կենտրոնական կլինիկական հոսպիտալում։
«Հերացի» թիվ 1 հիվանդանոցային համալիրի վերակենդանացման բաժանմունքում գտնվող տուժածի վիճակը մասնագետները գնահատում են կայուն ծանր, շնչում է արհեստական շնչառական սարքի միջոցով։
Հուլիսի 18-ին դուրս է գրվել «Գրիգոր Լուսավորիչ» ԲԿ-ում բուժում ստացած տուժածը։
Հուլիսի 17-ին մի խումբ զինված անձինք մտել էին ՀՀ ոստիկանության պարեկապահակային ծառայության գնդի տարածք և պատանդ են պահում են այնտեղ գտնվող ոստիկաններին:
