ԵՐԵՎԱՆ, 19 հուլիսի — Sputnik. ՀՀ ոստիկանությունը շարունակում է հսկողություն իրականացնել Երևանում ոստիկանության պարեկապահակային ծառայության գնդի գրավված շենքի մոտակայքում։
Շենքի տարածքում հավաքվել էին բողոքի ակցիայի սակավաթիվ մասնակիցներ, որոնք երեկ երեկոյան այստեղ էին եկել Ազատության հրապարակից։
Ակցիայի կազմակերպիչները հայտնում են, որ իրենց նպատակը իրավապահ մարմինների կողմից հավանական հատուկ գործողությունների ժամանակ արյունահեղություն թույլ չտալն է։ Ոստիկանները զրահաբաճկոններով և սաղավարտներով երկու շարք էին կազմել` փակելով ցուցարարների ճանապարհը։
Գիշերը խաղաղ է անցել` առանց միջադեպերի։
