ԵՐԵՎԱՆ, 18 հուլիսի-Sputnik. Հուլիսի 17-ի լույս 18-ի գիշերը տևական բանակցությունների և իրականացված հատուկ միջոցառումների շնորհիվ հաջողվել է ազատ արձակել ՀՀ ոստիկանության պարեկապահակային ծառայության գնդի տարածքում պատանդ պահվող ոստիկանության մեկ ծառայողի եւ մեկ քաղաքացիական անձի՝ շտապօգնության մեքենայի վարորդին: Այդ մասին հայտարարություն է տարածել ԱԱԾ-ն։
Հայտարաության մեջ նշվում է, որ այդուհանդերձ, զինված խումբը հրաժարվում է ազատ արձակել մյուս պատանդներին, այդ թվում՝ ոստիկանության բարձրաստիճան պաշտոնյաների, վայր դնել զենքերը և հանձնվել իշխանություններին:
ՀՀ իրավապահ մարմինները ձեռնարկում են հնարավոր և հասանելի բոլոր միջոցները իրավիճակին խաղաղ հանգուցալուծում տալու համար։
Ստեղծված պայմաններում, սակայն, դա կարող է բավարար չլինել:
Ուստի ԱԱԾ-ն մեկ անգամ ևս հորդորում է զինված խմբի անդամներին՝ ձեռնպահ մնալ հանցավոր գործողություններից և դադարեցնել դիմադրությունը:
Դրա համար դեռ կա ժամանակ և հնարավորություն:
