ԵՐԵՎԱՆ, 18 հուլիսի — Sputnik. Sputnik Արմենիայի թղթակիցը հաղորդեց, որ զինված խմբավորման գրաված տարածք են մտել շտապօգնության մեքենաներ։
Դատելով նրանից, թե ինչպիսի արագությամբ են շտապօգնության մեքենաները մտել ոստիկանության Էրեբունու բաժին, Խորենացի փողոցում հավաքվածները ենթադրել են, որ ներսում ինչ-որ բան է տեղի ունեցել,տուժածներ կան։
Այդ ենթադրությունները, սակայն, ոչ հաստատվել են, ոչ էլ հերքվել, քանի որ ոստիկանության ներկայացուցիչը դեռեւս չի հանդիպել լրագրողների հետ։
Խորենացի փողոցը շարունակում է փակ մնալ՝ ոստիկանության Էրեբունի բաժին տանող մյուս փողոցների հետ միասին։ Նաեւ շարունակվում են բանակցությունները՝ պատանդներին ազատ արձակելու եւ հանձնվելու համար, սակայն համաձայնություն դեռ չի եղել ոստիկանության եւ զինված խմբավորման միջեւ։
