ԵՐԵՎԱՆ, 16 հուլիսի-Sputnik. Անկարայում ավարտվել է Թուրքիայի ԶՈՒ գլխավոր շտաբի շենքի շրջակայքում պետական հեղաշրջում կատարելու կողմնակիցներին վնասազերծելու գործողությունը, հաղորդում է ՌԻԱ Նովոստին՝ հղում անելով CNN Turk հեռուստաալիքին:
Տեղեկատվության համաձայն, բոլոր զինծառայողները ձերբակալվել են:
Գործողությանը մասնակցել են հատուկ նշանակության ստորաբաժանումները: Հեղաշրջման մասնակիցներին ձեռնաշղթաներով դուրս են բերել շենքից և նստեցրել ավտոբուսներ: Հեռուստաալիքի ռազմական աղբյուրների հաղորդագրության համաձայն, ձերբակալվածների թվում կա Թուրքիայի 13 բարձրաստիճան սպա: Շենքում կատարվում է հետախուզություն:
Ինչպես հաղորդում է Hurriyet թերթը, Թուրքիայում պետական հեղաշրջման փորձ կատարելու համար ձերբակալված զինվորները հարցաքննության ժամանակ հայտարարել են, որ բոլոր գործողությունները սկզբից ընկալել են որպես զորավարժություն:
«Միայն այն ժամանակ, երբ մարդիկ սկսեցին մտնել տանկերի մեջ, մենք ամեն ինչ հասկացանք»,- մեջբերում է թերթը կասկածյալներից մեկին:
