ԵՐԵՎԱՆ, 16 հուլիսի-Sputnik. Հայաստանից Թուրքիա զբոսաշրջային և այլ բնույթի ուղևորությունները չեղյալ են հայտարարվել, ավտոբուսները չեն գործում:
«Ավտոկայանը դատարկ է: Բոլոր ընկերությունները սովորաբար ավտոբուս են ուղարկում Ստամբուլ շաբաթ առավոտյան 08:00-ին: Նրանք այսօր չեղյալ են հայտարարել բոլոր չվերթերը: Այստեղ իրերով մարդիկ չկան»,- հաղորդում է Sputnik Արմենիայի թղթակիցը Երևանի «Կիլիկիա» ավտոկայանից:
Ավտոբուսները Հայաստանից Թուրքիա են մեկնում «Կիլիկիա» ավտոկայանից Վրաստանի տարածքով: Հիմնականում մարդիկ Թուրքիա են մեկնում առևտրի նպատակով:
Փակ սահմանի պատճառով դադարեցվել է նաև բեռների փոխադրումը և զբոսաշրջային տուրերի վաճառքը:
Տեղեկատվություն կա, որ 30-35 մարդ, չնայած իրավիճակի սրմանը, մեկնել է Թուրքիա, եւ թե ինչ է նրանց սպասվում վրաց-թուրքական սահմանին, անհայտ է:
Sputnik Արմենիան կշարունակի հետևել իրադարձությունների զարգացմանը:
