ԵՐԵՎԱՆ, 16 հուլիսի-Sputnik. Հայ-թուրքական սահմանին ռուս սահմանապահների ծառայությունը տեղափոխվել է խստացված ռեժիմ։ Այդ մասին Sputnik Արմենիային հաղորդել է Հայաստանում Ռուսաստանի Անվտանգության դաշնային ծառայության Սահմանապահ վարչության մամուլի ծառայությունը:
Հուլիսի 15-ի ուշ երեկոյան Թուրքիայում կատարվել է ռազմական հեղաշրջման փորձ: Անկարայում խորհրդարանի շենքի և նախագահական նստավայրի վրա նետել են ռումբեր, դատախազության տվյալներով՝ Անկարայում և Ստամբուլում մահացել է առնվազն 60 մարդ:
«Սահմանված ռեժիմի շրջանակում ակտիվացել է հայ-թուրքական սահմանի հսկողությունը, ուժեղացվել են սահմանապահ կարգախմբերը»,- հայտնել ենԱԴԾ մամուլի ծառայությունից:
Թուրքիայի հետ Հայաստանի պետական սահմանի (330 կմ) և Իրանի հետ սահմանի (45 կմ) հսկողությունն իրականացնում է Ռուսաստանի ԱԴԾ Սահմանապահ վարչությունը:
