ԵՐԵՎԱՆ, 16 հուլիսի-Sputnik. Թուրքիայի զինված ուժերի գլխավոր շտաբի պետ Հուլուսի Աքարը, որին գերի են վերցրել, ազատ է արձակվել, հաղորդել է երկրի Ազգային հետախուզական կազմակերպության պաշտոնական ներկայացուցիչ Նուհ Յիլմազը, հաղորդում է ՌԻԱ Նովոստին:
«Գեներալ Աքարն ազատ է արձակվել և հիմա ձեռնամուխ է եղել իր պարտականությունների կատարմանը», — ասել է Յիլմազը NTV հեռուստաալիքի եթերում:
Հետախուզական ծառայության ներկայացուցիչը նաև հայտարարել է, որ Թուրքիայի ԶՈՒ հրամանատարները հեղաշրջման փորձի հետ կապ չունեն:
Ավելի վաղ Anadolu գործակալությունը հաղորդել է, որ Անկարայում Թուրքիայի խորհրդարանի շենքի վրա ռումբ են նետել: Պայթյունի ժամանակ վիրավորվել է 15 մարդ:
Թուրքիայի վարչապետ Բինալի Յիլդիրիմը հայտարարել է երկրի օդային տարածքն ամողջությամբ փակելու մասին՝ կապված ռազմական հեղաշրջման փորձի հետ:
«Երկրի օդային տարածքը փակ է: Մենք կկործանենք բոլոր ինքնաթիռները, որոնք կթռչեն առանց մեր ԶՈՒ հրամանատարության թույլտվության: Մենք կրակով կպատասխանենք օդից և ցամաքից», — ասել է Յիլդիրիմը NTV եթերում:
ՌԻԱ Նովոստիի տվյալներով՝ Թուրքիայում հայտնաբերվել են ռազմական հեղաշրջման ավելի քան 100 մասնակիցներ, նրանց մի մասը ձերբակալվել է:
