ԵՐԵՎԱՆ, 13 հուլիսի- Sputnik. Հուլիսի 13-ին ժամը 05.30-ից մինչև 19.00 Լարսի ավտոճանապարհը կբացվի, տեղեկացնում է ՀՀ ԱԻՆ-ը՝ հղում անելով Վրաստանի ՆԳՆ ԱԻ դեպարտամենտին
Լարսի ավտոճանապարհը երեկոյան ժամերին, անվտանգության նկատառումներից ելնելով, կրկին կփակվի:
Ըստ հաղորդագրության՝ ավտոճանապարհը բաց է բոլոր տեսակի ավտոմեքենաների համար հետևյալ կանոնների պահպանման դեպքում.
— միաժամանակ երկու կողմերից հանդիպակաց երթևեկությունը արգելվում է
— երթևեկությունը պետք է իրականացվի առանց կանգառների
— ինտենսիվ տեղումների դեպքում արգելել տրանսպորտային միջոցների երթևեկությունը:
Երթևեկությունը նշված կարգով իրականացվում է պարեկային ոստիկանության անմիջական վերահսկման և կոորդինացման ներքո:
ՀՀ արտակարգ իրավիճակների նախարարությունը տեղեկացնում է, որ հուլիսի 13-ի ժամը 08.00-ի դրությամբ ՀՀ տարածքում ավտոճանապարհներն անցանելի են:
