Հայաստանը Ռուսաստանից նվեր է ստացել կլինիկա «անիվների» վրա

Կլինիկայում տրամադրվող հիմնական ծառայություններն են` ՄԻԱՎ վարակի վերաբերյալ հետազոտություն ու խորհրդատվություն, վիրուսային հեպատիտ Բ-ի ու Ց-ի, սիֆիլիսի վերաբերյալ հետազոտություններ և բժշկական խորհրդատվություն։ Վարակակիրներին և առհասարակ բոլոր ցանկացողներին հնարավորություն է ընձեռվում ՁԻԱՀ-ի կանխարգելման հանրապետական կենտրոնում անցնելու այլ սեռավարակների վերաբերյալ հետազոտություններ։ Թեստի համար անհրաժեշտ է հանձնել արյուն, իսկ արդյունքները կիմացվեն 10-15 րոպեից։ Կլինիկայի բազայի վրա անցկացվում են նաև ուլտրաձայնային հետազոտություններ։
Երկու տարի առաջ նվիրած առաջին կլինիկան շահագործումից ի վեր աշխատել է 60 գյուղական և քաղաքային համայնքներում։ Այցերի ընթացքում անցկացվել է 4575 հետազոտություն ՄԻԱՎ-ի, վիրուսային հեպատիտի և սիֆիլիսի վերաբերյալ աշխատանքային միգրանտների, նրանց զուգընկերների և բնակչության շարքում, ինչպես նաև անցկացվել է շուրջ 2500 ուլտրաձայնային հետազոտություն։