ԵՐԵՎԱՆ, 11 հուլիսի-Sputnik. Ռուսաստանը Հայաստանին նվիրել է հեպատիտ Բ-ի և Ց-ի թեստավորման շարժական բուժախտորոշիչ կլինիկա։ Երկուշաբթի երկրորդ կլինիկայի հանդիսավոր բացմանը մասնակցել են Հայաստանի առողջապահության նախարար Արմեն Մուրադյանը և Հայաստանում ՌԴ արտակարգ և լիազոր դեսպան Իվան Վոլինկինը։
«Հայաստանում արդեն երկու տարի գործում է առաջին կլինիկան, որի շնորհիվ մենք հիմա ավելի արդյունավետ ենք պայքարում ՄԻԱՎ/ՁԻԱՀ-ի դեմ։ Բայց, ցավոք, փոքր քաղաքներում, հեռավոր գյուղերում բժշկական օգնությունը հասանելի չէ»,- ասաց Մուրադյանը։
Նաև հայտնեց, որ ամենախոցելի խումբն են աշխատանքային միգրանտները, որոնց բաժին է ընկնում հիվանդությունների 57 տոկոսը։ Հայաստանում կարճատև ներկայության պատճառով նրանք դուրս են մնացել հետազոտությունից։
«Կլինիկայի շնորհիվ մենք կարողացել ենք 4600 հետազոտություն անցկացնել մարզերում, ևս 1700-ը` հանրային միջոցառումներում»,- նշեց Մուրադյանը։
Նախարարը շնորհակալություն հայտնեց Ռուսաստանի կառավարությանը` Ռոսպոտրեբնադզորին և «ՍՊԻԴ ինֆոսվյազ» հիմնադրամին տրամադրված օգնության համար` ընդգծելով, որ Հայաստանում տվյալ պահին չկան վարակված մայրերից ծնված երեխաներ։
Իր հերթին, Հայաստանում Ռուսաստանի արտակարգ և լիազոր դեսպան Իվան Վոլինկինը նշեց, որ իրենք բոլոր ջանքերը գործադրել են, որ օգնության ծրագիրը չսահմանափակվի մեկ շարժական կլինիկայով։
«Մենք կարողացանք առաքել երկրորդ մեքենան` չնայած Ռուսաստանի տնտեսական դժվարություններին։ Երկու մեքենաները կարող են սպասարկել Հայաստանի ավելի շատ շրջաններ, և հուսով եմ, որ ծրագիրը կշարունակվի»,- ասաց դեսպանը։
Ի դեպ, շարժական կլինիկային ծանոթանալուց հետո Մուրադյանն ու Վոլինկինն թեստավորման համար արյուն հանձնեցին։
Ռուսաստանի Դաշնության աջակցության ընդգրկվել է ավելի քան 40 հազար, որոնցից հետազոտվել են 24 հազար մարդ։ Հետազոտվածներից մի քանիսի մոտ աշխտորոշվել է ՄԻԱՎ վարակ։
