ԵՐԵՎԱՆ, 11 հուլիսի — Sputnik. Դիանա Խուբեսերյանը (200 մետր վազք) Հայաստանի առաջնության ռեկորդակիր է և մասնակցել է Սինգապուրի պատանեկան օլիմպիական խաղերին: Դիանայի հետ հարցազրույցը ներկայացնում է Հայաստանի ազգային օլիմպիական կոմիտեի պաշտոնական կայքը։
-Խաղերին ի՞նչ թալիսման ես հետդ տանելու:
— Միանշանակ` իմ հաջողության քարերից՝ ռոդոնետե և լուսնաքարից պատրաստված վզնոց, որը նվիրել է հայրիկիս ընկերը:
-Ու՞մ կուզեիր կողքիդ կամ հանդիսատեսի շարքում տեսնել:
— Կողքիս չէի ցանկանա ոչ ոքի տեսնել: Հանդիսատեսի շարքում՝ մեր օլիմպիական թիմին, որպեսզի ոգևորեն:
-Նկարագրիր Օլիմպիական խաղերը երեք բառով:
— Ուժ, համբերություն և շատ բան ապացուցելու հնարավորություն:
-Ո՞ւմ հետ ես առաջինը կիսելու հաջողությունդ:
— Մարզիչիս:
-Ինչպե՞ս ես հիշելու այս Օլիմպիական խաղերը:
— Մեր մարզիկների մեդալներով:
