ԵՐԵՎԱՆ, 7 հուլիսի-Sputnik. Նախագծով առաջարկվող փոփոխությունը ենթադրում է ամբողջությամբ փոխհատուցել ոչ միայն հայրենիքի պաշտպանության ընթացքում վիրավոր զինծառայողի բուժման, ճանապարհածախսի և կեցության ծախսերը, այլև հոգալ նրան ուղեկցող անձի ճանապարհածախսն ու կեցության վճարը։
«Գործող կարգի համաձայն, արտերկրում բուժում ստացող զինծառայողի համար նախատեսված կեցության գումարը ներառում է հիվանդանոցային պայմաններում կեցության հետ կապված ծախսերը, իսկ զինծառայողին ուղեկցող անձի համար նախատեսված կեցության գումարը` համապատասխանաբար 50 տոկոսի չափով»,-հիշեցրեց փոխնախարարը։
Վարչապետ Հովիկ Աբրահամյանը հաստատեց որոշման նախագիծը։
