ԵՐԵՎԱՆ, 6 հուլիսի-Sputnik. Դորտմունդի «Բորուսիան» ցանկանում կիսապաշտպան Հենրիխ Մխիթարյանի փոխարեն, որը տեղափոխվում է «Մանչեսթեր Յունայթեդ», ձեռք բերել «Բարսելոնայի» կիսապաշտպան Արդա Թուրանին, գրում է eurosport.ru-ն։
Ինչպես հաղորդում է sport.es-ը, Դորտմունդի «Բորուսիան» գտնում է, որ թուրքը կարող է շատ լավ փոխարինել Հենրիխ Մխիթարյանին։
Դորտմունդում պատրաստ են Թուրանին տրամադրել թիմի ավագի դերը, այն դեպքում, երբ «Բարսելոնայում» չեն երաշխավորել նրա տեղը հիմնական կազմում։
Թուրանը տեղափոխվել է «Բարսելոնա» 2015թ.-ի ամռանը, բայց տրանսֆերի արգելքի պատճառով սկսել է խաղալ կատալոնական ակումբում միայն 2016թ.-ի հունվարից։ 29-ամյա կիսապաշտպանը 18 խաղ է անցկացրել 2015-16թթ-ի Իսպանիայի առաջնությունում։ Նա խփել է 2 գնդակ և կատարել 3 գոլային փոխանցում։
Transfermarkt-ը Թուրանին գնահատում է 30 մլն եվրո։
