ԵՐԵՎԱՆ, 5 հուլիսի — Sputnik. Ամառային Օլիմպիական խաղերի կազմկոմիտեն հանրությանն է ներկայացրել 31-րդ ամառային Օլիմպիական խաղերի երգը, հայտնում են ՀԱՕԿ լրատվության բաժնից:
Հատուկ այս խաղերի համար գրված երգն ունի «Սիրտ և հոգի» անվանումը: Այն կատարում են բրազիլացի DJ Տիագուինյոն և Պրոյոտան: Հեղինակների կարծիքով` այս երգն իր մեջ կրում է բրազիլական երանգներ և ունի բրազիլական ոգի:
Խաղերի բացման պաշտոնական արարողությունը կկայանա օգոստոսի 5-ին Ռիոյի լեգենդար «Մարականա» մարզադաշտում: Օգոստոսի 5-21-ը` 17 օրվա ընթացքում աշխարհի 206 երկրներից մոտ 10,500 մարզիկներ կմրցեն 306 մեդալների հավաքածուների համար:
Օլիմպիական խաղերը կանցկացվեն Ռիոյի 4 շրջաններում` Կոպակաբանայում, Մարականայում, Դեոդորոյում և Բարայում գտնվող 33 մարզական կառույցներում:
