ԵՐԵՎԱՆ, 1 հուլիսի — Sputnik. Հուլիսի 1-ին` ժամը 12.05-ի սահմաններում տեղեկություն է ստացվել, որ Ճամբարակ-Իջևան ավտոճանապարհին տեղի է ունեցել քարաթափում. ավտոճանապարհը փակ է, հայտնում են ՀՀ ԱԻՆ-ից:
Դեպքի վայր է մեկնել հրշեջ փրկարարական ջոկատի օպերատիվ խումբը:
Հաղորդվում է, որ դեռ նորություններ չկան, կտրվի լրացուցիչ տեղեկություն:
Հիշեցնենք, որ Վրաստանից դեպի Ռուսաստան տանող Վերին Լարսի անցակետում ևս տեղի էր ունեցել քարաթափում, նաև վարարել էր Թերեք գետը, ինչի պատճառով սահմանային անցակետն արդեն մի քանի օր փակ է։
