ԵՐԵՎԱՆ, 30 հունիսի — Sputnik. «Առավոտի» տեղեկություններով՝ պաշտոնանկությունից մի քանի օր անց Մուրադյանը վաճառքի է հանել Վեդիում իր ունեցած-չունեցածը՝ բնակարան, հողակտոր, մի քանի ավտոմեքենա:
Թերթը գրում է. «Վեդեցիների պնդմամբ՝ Մուրադյանի ընտանիքը երբեք էլ աչքի չի ընկել շքեղ կամ ցոփ ապրելակերպով: Աչք շոյող միակ բանը, որը մատնանշում են տեղացիները, Մուրադյանի երեխաների ոչ սովորական ավտոմեքենաներն են:
Ի՞նչ պատճառով է Մուրադյանը վաճառքի հանել իր ունեցվածքը՝ Հայաստանից հեռանալո՞ւ, թե՞ պետությանը պատճառած վնասը վերականգնելու՝ հայտնի չէ, բայց գողերը, փաստորեն, հասկացել են, որ այդ բնակարանից ձեռնունայն դուրս չեն գա: «Առավոտին» չհաջողվեց ճշտել գողոնի չափը: Տեղացիները խոսում են գողոնի տարբեր՝ հիմնականում բավական մեծ չափերի մասին»:
