ԵՐԵՎԱՆ, 29 հունիսի — Sputnik. Հունիսի 29-ին` ժամը 03.28-ին ահազանգ է ստացվել, որ Երևանի Հաղթանակի կամրջից երիտասարդ տղամարդը փորձում է ցած նետվել. անհրաժեշտ է փրկարարների օգնությունը, հայտնում են ՀՀ ԱԻՆ-ից:
Դեպքի վայր են մեկնել Ճգնաժամային կառավարման ազգային կենտրոնի օպերատիվ խումբը և մեկ մարտական հաշվարկ:
Դեպքի վայր ժամանած փրկարարները ինքնասպանություն գործող քաղաքացի չեն նկատել:
Ոստիկանները կամրջի մոտակայքում նկատել են կասկածելի վարքագծով 1990 թ. ծնված Դ. Տ.-ին, ում տեղափոխել են ոստիկանության կենտրոնականի բաժին:
