ԵՐԵՎԱՆ, 29 հունիսի — Sputnik. Հայաստանի արտգործնախարարությունը հայտնում է, որ նախնական տվյալներով Ստամբուլի օդանավակայանում տեղի ունեցած պայթյունի հետևանքով հայեր չեն տուժել։
Նման գրառում է արել ՀՀ ԱԳՆ մամուլի քարտուղար Տիգրան Բալայանը Twitter-ի իր էջում։
According to preliminary info no #Armenia|ns among victims of #Istanbul airport blast #Ista https://t.co/YLDb3eSacY
— Tigran Balayan (@tbalayan) 28 июня 2016 г.
Երեք պայթյուն է տեղի ունեցել օդանավակայանի միջազգային տերմինալի մուտքի մոտ և դրան կից ավտոկայանատեղիում։ Նախնական տվյալների համաձայն` զոհվել է 28 մարդ, վնասվածքներ ստացել` 60-ը։ Ինչպես հայտնում է Sputnik գործակալությունը` հղում անելով ականատեսին, երկու ահաբեկիչ, ենթադրաբար երիտասարդ աղջիկ և տղա, պայթեցրել են իրենց մահապարտի գոտիները օդանավակայանում զննում անցնելու ժամանակ։
Հայտնում են նաև, որ ոստիկանությունը կրակ է բացել կասկածյալների ուղղությամբ` նրանց չեզոքացնելու մտադրությամբ։
Համացանցում արդեն հայտնվել է ահաբեկչության դեպքի վայրից տեսագրություն։ Հրապարակված կադրերում երևում է, թե ինչպես է ինչ-որ բան պայթում, որից հետո մարդիկ սկսում են վազել տարբեր կողմեր։
Նախնական տվյալներով` պայթյունները կարող էր իրականացնել «Իսլամական պետություն» ահաբեկչական խմբավորումը։
