ԵՐԵՎԱՆ, 24 հունիսի — Sputnik. Մեծ Բրիտանիայի ճակատագիրը կանխորոշված է. Brexit-ը (անգլերեն Brexit — Britain Exit, այսինքն` «բրիտանիայի դուրս գալը» — Sputnik) հաղթանակ է տարել հանրաքվեի ժամանակ` գերազանցել է 16.7 մլն ձայնի շեմը։
Տարբերությունը չնչին էր, ինչը հաստատել է նաև հասարակական կարծիքի հարցումը. մի քանի ժամի ընթացքում, մինչ ձայներն էին հաշվարկվում, մերթ մի կողմն էր հաղթում, մերթ` մյուսը, սակայն վերջին ժամերին գերակշռեցին «դուրս գալ» ձայները։
Հանրաքվեն իրավաբանական ուժ չունի, այսինքն` կառավարությունն ու վարչապետն ի զորու են անտեսել արդյունքները։ Սակայն ինչպես նշում են փորձագետները, այն փաստը, որ Դևիդ Քեմերոնն ինքն է նախաձեռնել հանրաքվեն, հազիվ թե հնարավոր լինի այն անտեսել։ Քաղաքագետներից շատերը կանխորոշում են, որ վարչապետը պաշտոնից կհեռանա` չնայած նրա նախկին հայտարարությանը, թե կմնա իր պաշտոնում` անկախ ամեն ինչից։
Միևնույն ժամանակ Մեթյու Էլիոթը կարծում է, որ մեծ Բրիտանիան կմնա ԵՄ-ի կազմում մի քանի ամիս կամ նույնիսկ մի քանի տարի։
