ԵՐԵՎԱՆ, 21 հունիսի — Sputnik. Բարակ սիգարետների համար արգելք սահմանելու հարցը կքննարկվի ծխախոտի դեմ պայքարի համաժողովի ժամանակ։ Այս մասին գրում է «Կոմերսանտը»։
Հայտնի է, որ համաժողովը կայանալու է նոյեմբերի սկզբին Հնդկաստանի Դելի քաղաքում: Միջոցառմանը մասնակցող աշխատանքային խմբերից մեկի պատրաստած զեկույցում առաջարկվում է արգելք սահմանել կամ էլ սահմանափակել ծխախոտի այն դիզայներական լուծումները, որոնք գրավում են գնորդներին:
Նմանատիպ դիզայներական լուծումների շարքն են դասվում սիգարետների slims, super slims, ultra slims տեսակները:
«Հետազոտությունները ցույց են տվել, որ սիգարետների դիզայնի առանձնահատկությունները կարող են թյուրիմացության մեջ գցել ծխողներին ու պոտենցիալ գնորդներին, ազդել ծխախոտի օգտագործման, սիգարետի նկատմամբ ունեցած վերաբերմունքի վրա»,- նշվում է զեկույցում:
